الشباب يعشقون النت وهواه فيه وأصبح يسري مسري الدم في عروقهم
لا أقصد كل الشباب ولكن البعض منهم فحياتي بينهم لأني منهم وأعلم الكثير عنهم.....
بعض الشباب من هواه الجلوس على النت في الليل حتي أذان الفجر والسبب كالتالي
(في النهار بيكون النت مليان أشكال وألوان واللي قاعد في سيبر والناس كتير والكدب علينا بيبقي كتير )
المهم
انه قرر يقعد بالليل
مش دي المشكله طبعا ...المشكله انه بيقعد طول الليل على شات ومواقع مما لذ له وطاب
ويجي وقت النوم وقت أذان الفجر
كأن دا منبه النوم ومش بيقوم يصلي الفجر في جماعه وإن سألته يقووول
(ما انا بصليه لما بصحي من النوم )
بعمل نفسي مصدق وأقوووول أكيد ..ممكن ...جايز
بس انا بأستغرب واحد بينام الفجر هيصحي أمتي علشان يصلي
لما حسبتها مظبوط لقيته بيصحي قبل الظهر أو بعده
يبقي أكيد صلي الفجر!!!!! .......
صدقوني والله دا أكيد
وناس صحاب دار بنا حوارات ودي كانت أجابه معظمهم
كدا يبقي أكيد فيه حاجه غلط يأما عاده يأما ظاهره
لو ظاهرة يبقي ممكن تختفي بسرعه
أما لو عاده صعب تمحيها بسرعه
بس هنقدر بأذن الله
مش عارف كلامي مظبوط و هيعجبكوا ولا لأ
بس صدقوني انا مش عارف أعمل ايه ؟
بس انا هقووول حاجه واحدة
بسم الله الرحمن الرحيم
فويل للمصلين *الذين هم عن صلاتهم ساهون
صدق الله العظيم
اين كانت دى عاده أو ظاهره
ردحذففممكن الواحد يتغاضى عنها ويقدر يغيرها
وانا شخصيا كنت بسهر على طول
كنت بعد لغايه الفجر فى الاجازات
بس كان بيضيع عليا الفجر ايام الدراسه
بس الحمد الله غيرت من مواعيد نومى وبقيت بحب اعد على النت الصبح بدرى ايام الدراسه وايام الاجازه كمان
وأظن أن أى حد يقدر يظبط نفسه
هى لا ظاهره ولا عاده
ردحذفالشيطان فى أوقات الصلاه
بيشغل الإنسان بأى شيئ ممكن يعطله عن الصلاه...يقوم الإنسان الدائم الذكر لله سبحانه وتعالى .. يكون إيمانه قوى شويه
فممكن يقاوم ويصلى
أما الإنسان الغافل عن ذكر الله الشيطان بيقدر عليه .. ويوكسه
وكمان لو الأباء عودوا ولادهم على صلاة الفجر حاضر وفى جماعه يوميا منذ الصغر مش هيبقى فيه مشكله من أساسو
ربنا يكرمك على الموضوع ده
ممكن البوست الجاى تخليه لإقتراحات الناس حولين الموضوع ده
مممممممممممممممم تعالي عندي حتلاقي تورتات عشان عيد ميلاد يا دلو زينا هههههههههه
ردحذفوكل سنة وانت طيب بس عيد ميلادك ميته؟؟
"ان الصلاة كانت على المؤمنين كتابا موقوتا"
ردحذفيعني مهما كان السبب كبير او صغير لازم الحفاظ على الصلاة في وقتها,
كون ان شخص مش عارف يظبط مواعيده دي بقى مشكلته مش هتغنيه يوم القيامه حتى لو كان طول الليل سهران في حاجه مفيده وحتى وان كان السهر في قيام الليل,
يعني لو بتسهر وتعد بالليل تعمل اي حاجه بتحبها زيي لان النهار هو اعمال واعباء الحياة,يبقى تسهر لحد ما تصلي الفجر,والا لو مش هتعرف يبقى بلاش من اساسه,
لكن النماذج اللي بتقول عليها دي حسابها عند ربنا عسير,
ربنا يهدينا ويهدي بينا.
السلام عليكم
ردحذفربنا يهدي شباب المسلمين ويردنا الي اليه مردا جميلا
بس موضوع الصلاة دا كبير جدا
وبما انه هو عماد الدين وشئ اساسي بحياتنا الا ان مفهوم الصلاة غايب عن ناس كتير
ومن معناه هي صلة بين العبد وربه واللي بجد بيستشعر المعني دا وحاسس بكدا مش هتلاقيه مضيع طويل الليل وبالذات الربع الاخير اللي ربنا عز وجل بيتزل فيه الي السماء الدنيا وهو في شات او علي موقع لا هتلاقيه واقف شوقا الي خالقه رافع ايديه وعيونه تدمع حبا وخوفا
لكن احنا وخدين الموضوع فرض ولازم نقضيه باي شكل وباي وسيله وعلي راحتنا خالص والحمد لله اننا اصلا بنصلي ما فيه ناس مش بتركعها وكأن الواحد بيمن انه بيقوم بالفرض ولا حول ولا قوة الا بالله
فالموضوع لازم يمكن من داخل قلب الشخص مش بالكلام هو لو حس بمعني الصلاة بجد مش هتلاقيه مستني حد يقوله قوم صلي
وولنا في رسول اله صلي الله عليه وسلم قدوة كان يقول جعلت قرة عيني في الصلاة
من حبه في الصلاةواستمتاعه بها
وربنا يرحمنا ونفهم ان كل دا لهو واي شئ يلهو عن ذكر الله وعبادته ما هو الا نقمه علي العبد وليس نعمه
ربنا يهدينا جميعا
غربتي
الصورة مع إنها غريبة وصعبة لكنها معبرة
ردحذفهو ليس عادة بل ادمان (ده بالنسبة للجلوس على النت لفترات طويلة)
بالنسبة لاضاعة الصلاة لعلها عادة تحولت لظاهرة فى المجتمع ككل
ده فهمى .. بانتظار توضيح حضرتك
مدونة جميلة نفع الله بها ودمت بخير
المشكله ان هناك بعض الشباب مٌغيب ...فاكر ان الحياه كده جميله ...لا يعلم ان ما احلى الحياه فى طاعة الله.....واعتقد احنا لازم يكون لبنا دور مع هؤلاء ...لان الله عز وجل من علينا بالهدايه...فمن شكر هذه النعمه هو الدعوه الى الله عز وجل بالحكمه والموعظة الحسنه
ردحذفوفى الحديث الشريف (لأن يهدى الله رجلا على يديك خيرا لك من الدنيا وما فيها)اوكما قال رسول الله صلى الله عليه وسلم...
عذرا يا اخى على الاطاله
وجزاكم الله خيرا..
دكتور عرفه /
ردحذففعلا إن كانت هيا عاده أو ظاهرة فلازم الواحد يقدر يغيرها بس ياتري الناس هتحاول تغيرها فعلا ولا لأ
دا الموضوع اللي لاواحد لا زم يتكلم فيه
ويا تري هو زعلان علشان الصلاه ضاعت عليه ولا لأ أظن ان دا كمان موضوع تاني
أيمان /
ردحذفشكرا للتعليق ومعاكي حق
الشيطان بيحاول يسيطر على الأنسان وقت الصلاه ليمنعه من تأديه فرض الله عز وجل
وكما قلتي الأنسان القوي الأيمان هيقووم ولن يستجيب لهمزات الشيطان أما الأنسان الضعيف الأيمان ممكن الشيطان يقدر عليه
حروف (دلو مرة ثانية وجرح ثاني سابقا)/
ردحذفشكرا للتعليق على مدونتي ولوني مش فاهم حاجه من اللي حضرتك كاتبه
وشكرا لمرورك الكريم
salma mohamed/
ردحذففعلا
إن الصلاه كانت على المؤمنين كتابا موقوتا
ودا فعلا بيرجع للشخص اللي بينظم نفسه
وانا بتفق معاكي في الكلام دا
اصللك كاتب عند ايوشه مفيش تورتايه ليك وكدة فقلت اعزم عليك بتورتايه
ردحذفهههههههههههه عشان انت دلو زي يعني
وعليكم السلام غربتي
ردحذففعلا كلامك صحيح جدا جدا جدا
الصلاه علاقه بين العبد وربه وليست مجرد فرض نؤديه وقتما نشاء وحيثما نريد
ولو أدرك الأنسان ذالك لما سمع الأذان ونام
لما ترك فرضا وهو مشغول
سينتظر الصلاه سينتظر الوقت الذي يترك فيه الدنيا بهمومها ويقف بين يدي الواحد الجبار
ولو علم أن الله ينظر إليه وهو يصلي لما فكر في أن يلتفت أو يفكر في أمر الدنيا
..........................
حروف (دلو مرة ثانية وجرح ثاني سابقا)/
ردحذفما انا فهمت أكتر لما روحت المدونه بتعتك
وهتلاقيني مستني ردك هناك عن الهديه
ردحذفنور الأسلام/
ردحذفوفى الحديث الشريف (لأن يهدى الله رجلا على يديك خيرا لك من الدنيا وما فيها)اوكما قال رسول الله صلى الله عليه وسلم.
لازم أحنا يكون لينا دور بس للأسف السؤال اللي مننا كتير بيسؤاله ( ايه اللي انا أقدر أعمله ؟) علشان اغير
أسف غربتي
ردحذفنست أرد السلام
وعليكم السلام ورحمة الله وبركاته
باشمهندس على
ردحذفربنا يهدى الجميع
ويثبتنا على الطريق المستقيم
هل تقصد تأخير الصلاة فكثير يتأخر وانا اوقات ااخر الصلاة
وهذا خطأ واعترف به
ولكن اذا كنت تتحدث عن تضيع الصلاة فأراه غير مقبول نهائى
ولا حتى تأخير الصلاة مقبول..ولكن فرق بين زحمة الحياة وانها تأخذ من وقت الصلاة
وبين ان تنسى الصلاة تماما"
نسأل الله الاخلاص
جزاك الله خير على الموضوع لان احوال الشباب لا نعلمها
اسعدنى المرور فى واحتك
ردحذفالموضوع المطروح فى غاية الاهمية
لاءنه واقع
هناك حديث للمصطفى فيما معنها
نعمتان مغبون (غافل و لاه) كثير من الناس الصحة والفراغ
الخروج مما عرضته
ياءتى من خلال معرفة قيمة الوقت وانه هو الحياه
ولمن يقول انه لما ينام سيصلى
ومن ادراك انه بعد النوم ستقوم
من موتك الاصغر
ولكننا نحتاج الى اللين المفعم بمهارات توصيل المعلومة لنكسب اصدقاء من خلال التوجيه ولا نكسب اعداء
تحياتى مع شكرى لاءحساسك الراقى
والله انا فعلا عندى المشكلة دى بكون سهرانة بالليل على النت بس الحمد لله لازم اصلى الفجر لانى لو نمت مش هصلى
ردحذفبحاول اغير ساعات نومى بسبب موضوع الصلاة فعلا لانى بصحى بعد صلاة الضهر وباقى اليوم الواحد مش طايق نفسه من لخبطة المواعيد واكيد مش صعب نتغير لا دى ممكن بس لو حاولنا
السلام عليكم ورحمة الله
ردحذفالصحيان بدرى نعمة من الله عز وجل
فيها الجسم بياخد وقته وراحته ونشوف الشمس ونمشى زى ما الدنيا ماشية
وميروحش علينا الفجر والصلوات كلها تبقى فى ميقتها
جزاك الله خيرا يافندم
بوست رائع
دمت بخير
ربنا يكرمك على التذكرة.. بس انا فاكرة انى كتبت تعليق هنا؟؟
ردحذفيلا مش مهم يمكن قريته ونسيت اعلق
بس هي لا ظاهرة ولا تعود.. هي بقت سمة من سمات الشباب النتاوي
يسهر للفجر قصاد النت.. ولما الفجر يأذن يفصل صوت السمعات.. وبعدها يرجع السمعات وكان الله بالسر عليم
ربنا يهدي الجميع يارب
تقبل مروري
فعلا موضوع النت مهم جدا ومعظم الشباب بيقضوا فترة طويلة عالنت
ردحذفوعلى رأي بابا بيقلبو نهارهم ليل وليلهم نهار
واعتقد ان الموضوع ده ظاهره هتاخد وقت وتروح
سعيدة جدا اني اخيرا عرفت اعلق وشكرا على تعديل صفحة التعليقات
خديجه عبد الله /
ردحذفالصورة فعلا ممكن تكون غريبه بعض الشئ
بس معبره تعبير دقيق عن المعني
أما بالنسبه لأضاعت الصلاه وعلى حد رأيك انها عاده تحولت لظاهره
ممكن تكون فعلا مظبوط الكلام دا
لأن الظاهرة بتجمع ناس كتير جدا جدا
وفعلا الشباب اللي بيضعوا الصلاه دي بالذات وهما أمام النت فعلا بقوا كتير والغريب ان الكتير منهم دلوقتي بيفرط في باقي الصلوات
ولو جيت سألته يقووول
*انا كويس *انا مش وحش * انا مظبوط
فعلا أجابه غريبه والأغرب انه بيكون مصدقها
ويقوووول كمان
*ياعم انا أحسن من ناس كتير *انا لا بنزني ولا ببيع مخدرات
بس ليه دايما الواحد في الدين بالزات بيبص للأقل منه
أما بالنسبه لحال الدنيا والمال بيقول
*ياريت عندي زي اللي عند فلان *دا اللي عنده كتير أووووي
ربنا يستر علينا
الفقيره إلي الله أم البنات /
ردحذفإن الصلاة كانت على المؤمنين كتابا موقوتا
يعني لما يجي ميعاد الصلاه وانت ممكن تكون قاعد بتلهو ومتقومش تصلي يبقي كدا فيه مشكله
أنا بالطبع لا أقصد كل الشباب أنا أقصد البعض القليل
وإن شاء الله ربنا يهدي الجميع
الفقيره إلي الله أم البنات /
ردحذفعلى فكره انا زورت مدونتك كذا مرة بس مش عارف أعلق
مش عارف أعلق على أي موضوع ؟؟؟
والسبب مجهول
مهندس على
ردحذفمفيش مشكله فى المدونه والله
واذا مكنتش عارف ادخل بغير معرف واكتب اسمك هاعرفك على طول
ويكفينى انك بتدخلها ...
ربنا يحفظك يا بنى
ABOALI/
ردحذفوأسعدني انا كذالك مرورك الكريم في المدونه
صحيح ومن أدرك انه بعد موتته سيقوم من موتته الصغري
فعلا كلام مظبوط جدا
ومره اخري شكرا لمرورك الكريم
ايوشه /
ردحذففعلا دي مشكله الناس كلها وهيا السهر فمنا من يستطيع بعد السهر أن يصلي الفجر ويحافظ على مواعيد الصلاه ومنا من لا يستطيع
اللهم أهدينا لصرطك المستقيم
الفقيرة إلي الله أم البنات /
ردحذفمش عارف أقووول ايه بس دا شرف كبير ليا ان أكون زي أبنك
والحمد لله المشكله شكلها كانت من عندي واتحليت الحمد لله
Heba Sayed /
ردحذفشكرا أختي لمرورك الكريم
فعلا الصحيان بدري نعمه كبيره جدا
بس اللي يقدرها
أحلي حاجه هو الألتزام بالنهار والليل
ولكن قليل من يفعل هذا
السلام عليكم
ردحذفالأخ الفاضل
يشرفنى لأول يشرفنى زيارة مدومنتك وإن شاء الله لن تكون الأخيرة . أما عن النت فتحليلك صحيح وإسمح لى يا بشمهندس لقد أطلقت على النت لقب الشيطان الجديد
تحياتى
ويسعدنى التواصل معك
بعد فراءة موضوعك الجميل حمدت ربنا اني ماعنديش نت في البيت
ردحذفاحسن حاجه اني بنام بدري وبصحى في وقت السحر الحمد لله
شكرا على زيارتك عندى
شرفت بزيارة مدونتك وان شاء الله ماتكونشي الأخيرة
دا كسل من الشيطان طبعاً.. واحد قاعد يعمل فى ذنوب طول الليل يبقى ذنوبه هتخليه يكسل عن اداءه للعبادة .. اللهم اهدى شباب وبنت المسلمين
ردحذفالنت يسرقنا من انفسنا
ردحذفيلتهم ساعات يومنا بشراهه
الله يعين المدمنين
تدوينه مفيده :)
فتافيت/
ردحذففعلا كلامك مظبوط لما الفجر بيأدن بيطفي الصوت وبيرجع يشغله تاني
ربنا يهدي شبابنا
شكرا لمرورك
Lady E //
ردحذفأولا انا اسف لأن الصفحه كانت فيها مشاكل فعلا والحمد لله عرفت اظبطها
ويارب تكون زي ما انتي بتقووولي تكون ظاهرة تاخد وقتها وتروح
شكرا لمرورك الكريم
اللؤلؤه/
ردحذفأولا شكرا لمرورك الطيب
فعلا النت لمن يسئ استخدامه يحمل هذا اللقب
الشيطان الجديد
وانا أيضا يسعدني التواصل معك
طائر ٌ بلا أجنحه/
ردحذفلك حق ان تحمد الله على ما أعطاك من نعم
شكرا لمرورك الجميل
barbie girl /
ردحذففعلا معاكي حق التكاسل من الشيطان
بس أمتي نفوق ... أمتي نفوق من غمتنا وهذا التكاسل ونعصي ذالك الشيطان
اللهم أهدي أخواننا وأخواتنا
أسعدني مرورك الكريم
اقصوصه /........
ردحذففعلا النت بيسرق الوقت
والظاهر ان احنا نسينا الحكمه
*الوقت كالسيف إن ................*
والكل يعلم الباقي
شكرا لمرورك