حلو
بس بجد دا انا لسه كاتبه دلوقتي ودا أحساسي فعلا
ليه صعب نوصف أحساسنا
ليه الحزن بينسينا ناسنا
ليه الألم بيبكي على الندم
ليه النسيان من طبع الأنسان
ليه الآلم ميخلنيش على طووول ندمان
أيوة الدموع نزلت خلاص من عيوني
أيوة خلاص الدموع عرفت طريقها
متقلش أستحاله أيوة انا بعت الأخلاص
جوايا ألم ....جوايا ندم ...جوايا خوف
نفسي الدم ينزل من عيوني
يمكن سعتها ترتاح جفوني
يمكن ابقي زي الناس وانسي كل شئ وارتاح
أستحاله أكون أنا
مستحيل أحساسي دا يكون حقيقي
مستحيل ....أيوة مستحيل
مستحيل أكون انا
انا شايف أحساسي بعيد
لملم كل أوراقه وتركني هنا وحيد
ابكي يا عيني ...ودمعي
انا بقيت انسان تاني
انسان هنا ومش موجود
نفسي أصرخ بعلو الصوت
ليه الظلم بقي مدود
والخوف ليه بقي محدود
::::::::::::::::::::::::::::::::::
أيوة صدقوني دا أحساسي بعد الظلم ممكن ءأسي
انا مش عارف انا مين انا بجد حاسس اني واحد تاني اتعلم ازاي يندم ازاي يتألم
مع أني كنت بأخد كل شئ عادي بس المره دي ..دا شئ أكيد غير عادي
السلام عليكم
ردحذفكلماتك حلوة جدا واحساسها عالى اوى
كلنا في اوقات بنحس بالحالة دى
بنحس بعدم التوازن والاختناق لكن فترة وبتعدى
تحياتى ليك
السلام عليكم
ردحذفليه كل ده؟
كلماتك اوجعتني ولامست جراح قلبي,
ازال الله همك وكشف غمك واسعدك بقية حياتك.
السلام عليكم
ردحذفكل شئ في أوله بيبان غير عادي ومؤلم
زي شكة الدبوس لكن بعد شويه بيروح احساس الشكه وترجع طبيعي
وهكذا الجروح واحاسيس الألم
وسمينا انسان من النسيان ووقت وكل شئ بيتنسي والحياة تستمر
وكل يهون وكله يتقدر عليه ما دام المصيبه لم تكن في دينك
فالحمد لله علي كل حال
عليك بدعاء الكرب والاستغفار وصلاة الحاجه فربك قريب مجيب ركعه بين يديه بالدنيا وما عليها
ولي عندك طلب ياريت تغيير الجزء دا
.والطمي يأيدي على الخدود
هنلطم علي ايه مفيش حاجه مستهله والطم اظنه غير محبب عندنا كمسلمين
جزيت خيرا
تعرف ساعات بحس إن الإحساس بالألم
ردحذفمعناه إننا لسه عايشين
بنحب وبنتجرح
بنفرح وبنزعل
بنحلم وبنتصدم
يمكن الألم والندم أحسن من اللا مبالاه
أحسن منبقى أموات ماشيه على الأرض
تعرف ساعات لما حد بيجرحنى
بفرح ..والله بجد بفرح
لأنى ساعتها بحس بربنا معايا
بتعب شويه جامدين فى الأول
وبعدين ربنا بيبعتلى إحساس بالسكينه
إحساس رائع
وبعدين بعد شويه بيجى تعويض ربنا
بجد الحمد لله على نعمة الإسلام
الحمدلله يارب إن إنت ربنا
بجد يا على إنت فى سن إخواتى الولاد
الأصغر منى ومتحملش أشوفك كده
إجمد كده وقول(أللهم أجرنى)
وربنا يحميك من كل شر
تحياتى
طبعا مش محتاج إنى أقلك إن كلماتك كلها إحساس لأنها فعلا مكتوبه بإحساس عالى جدا
كلماتك وصلت قلبي بصورة غريبة
ردحذفمش عارفه ليه
بس حقيقي اتاثرت جدا بيها
خلت عيوني تدمع
بس حقيقي كلمات محملة بكم كبير جدا
من الحزن والاسى
مش عارفه
هل في شئ في الدنيا يستاهل الحزن ده ولا دي رقة احساس
من الكاتب
عموما ربنا يبعد
عننا كل حزن وهم
وينسينا بجد لان
النسيان ده نعمة عظيمة من ربنا
لو مابننساش الظلم كنا
متنا من الغيظ من زمان
تقبل خالص تحياتي
اللى هقدر ااقوله ان دى مرحلة وبتعدى صدقنى بس لازم مش تستمر فيها يعنى مش وحش اننا نعيد افكارنا ونشوف طريقة حياتنا ماشية ازاى بس مش لازم يسيطر علينا الندم لغاية ما يدمرنا
ردحذفالكلمات جميلة اوى
خير خير خيييييير
ردحذفربنا معاك إن شاء الله
شاهد صور لمرافق السجون باليابانِ
ردحذفالسلام عليكم
ردحذفاتفق مع الاخت ايمان فى انه يمكن الألم والندم يكون أحسن من تبلد وتجمد المشاعر.
يمكن انت يا اخى تشعر بالحزن الان لكن ليس لك مخرج إلا اللجوء لله عز وجل هو قادر ان يزيل عنك هذه الغمه ولا تنسى دعاء رسول الله صلى الله عليه وسلم ((اللهم انى اعوذ بك من الهم والحزن والعجز والكسل والجبن والبخل واعوذ بك من غلبة الدين وقهر الرجال))
كلمات مؤثره جدا ونسأل الله لك السلامه..
على
ردحذفيا بنى فرج الله كربك وازال همك
معلهش مهى الدنيا من ده على ده ودائما انظر للابتلاء على انه نعمه
ارى ان الله يمن على من يحبه بالابتلاء حتى يصطفيه ويمحصه ويرفع درجاته ويغفر ذنوبه
على- للطاعة بشائر
صدق امك
انظر ماذا اخرت ولذا انت مكروب
رب يفرج كربك ويسعدك فى الدارين
غير معروف /
ردحذفوعليكم السلام ورحمه الله وبركاته
انا مبسوط اني كلماتي عجبتك واحساسي وصل لحضرتك
ان شاء الله هتكون فترة واتعدي
يسعدني تشريفك
ابقي أكتب اسمك ياريت علشان أعرفك تقريبا دا تاني تعليق ليك عندي
شكرا ليك
تحياتي
salma mohamed /
ردحذفوعليكم السلام ورحمه الله وبركاته
أحب أعتذر ليكي لأني أوجعتك ولمست جرحك بقلمي
امين يارب وازال همك أنتي أيضا
مره تانيه أحب أعتذر
تحياتي
إني راحله
ردحذفوعليكم السلام ورحمه الله وبركاته
فعلا الألم بيكون في الأول غير عادي وفعلا كل شئ بيتنسي مع الزمن
والحمد لله فعلا ان المصيبه مش في ديني
اما بالنسبه للطلب فقد قمت بأتخاذ اللازم
شكرا لمرورك االطيب
تحياتي
ايمان /
ردحذففعلا انا معاكي ان الأحساس بالألم بيحسسنا أن احنا لسه عايشين وبنحس
الحمد لله ان احنا مش أموات ماشيه على الأرض
يبقي كدا انا لازم أفرح
أيوة افرح
لازم أفرح اني لسه عايش وممكن أصلح أي حاجه
ما دمت لسه بدب برجلي على أرض الله وبرضاالله
فعلا الحمد أن احنا لسه عايشين
شكرا ليكي يا.......ايمان
تعرفي ان انا أختي الصغيرة اسمها ايمان
معلش ان انا خليتك تشوفيني على غير الصورة اللي ممكن تكوني أختيها عني
وشكرا لتعليقك الجميل
تحياتي
fnoonh/
ردحذفانا اسف اني خليت دموع عنيكي تنزل
بجد اسف .........
ودا طبعا رقه أحساس منك بتبكي على حال واحد متعرفهوش
ربنا يكرمك ويبعد عنك اي كرب
شكرا لتعليقك الجميل
ايوشه /
ردحذفشكرا لنصيحتك الجميله وتعليقك المميز
شكرا ليكي
تحياتي
حسام غانم /
ردحذفشكرا لدعائك لي
أمين
ربنا يكرمك
شكرا لتعليقك الجميل
تحياتي
م/الحسيني لزومي /
ردحذفشكرا لمرورك الكريم
تحياتي
علمتك انسان غير عادى وقت الشده تكسر كل الى يعادى وبقوة ايمانك وبصبرك تتغلب على كل الى وادى ارجو ان تتغلب على الصعاب وتتذكر قول الله تعالى ألا بذكر الله تطمئن القلوب
ردحذفولذلك فهى تصقل لأنها محنة ولعلها منحة إن شاء الله
ردحذففرج الله كربك وأزاح همك ورضاك إن شاء الله وأسعد قلبك
أحزنتنا الكلمات لكن من كتبها لعل حزنه كان أكبر أصلح الله بالك وأذكرك ونفسى بالاستغفار
استعين بالله فاسبحانه هو الذي لايرد من يطرق بابه بل يرضيه ويكرمه :)
ردحذفتحياتي :)
كل شيء بيبدا صغير وبعدين يكبر عكس الحزن بيبدا كبير وبعدين يصغر ودي من نعم ربناعلينا
ردحذفتفاءلوا بالخير تجدوه
ربنايزيل همك واستعيذ بيه من الهم والحزن فترة وتعدي
كل مشكلة فى داخلها بذور حلها
ردحذففاحرص على النظر داخلها
ولا تقول لا يوجد حل
فهناك رب فى العلا
بيده كل الخير والهدى
فاقترب منه
وتفاعل معه
تبنى بيتك مرفوع الهامات
ولا تعانى من السقمى
ان كانت كلمات بغرض موضوع تتطرحه
فقد جسدت واقع اليما البعض يشعر به
فاءن كان قويا
فسيتغير الحال بالتاكيد الى الافضل
اما كانت الكلمات تعبر عنك
فلكل ضيق مخرج ولكل هم فرج
تحياتى
ازيك يابشمهندس
ردحذفحلو اوى ان كل موقف يعدى على الانسان مهما كان مش ظريف بس لازم يتعلم منه
فما الحياة الا مدرسة كبيرة واحنا كلنا طلبة فيها
بسم الله الرحمن الرحيم
ردحذفهو فعلا الظلم شيء صعب و قاسي جدا..
كلامك معبر .. و بيصف الحالة اللي بتمر بيها .. بس فترة و هتهدى و كل شيء يعدى علي خير إن شاء الله..
ربنا يزيل عنا الهم و الحزن ..
بس الصورة دى صعبه اوى..
فى ايه بجد
ردحذفكلماتك موجعه قوى
واول صورة دى
خلتنى عايزة اعيط
اول زيارة
بس اتمنى انك تكون كويس فى الزيارة القادمه
أحلى حاجه في كلامك انه من قلبك .. وانك حاسس بيه ..
ردحذفكلامك صح أوي .. وكتير بنمر بفترات بنحس بنفس احساسك دا ..
أوقات صعبه أوي بالتأكيد ..
بس بتعدي ..
صحيح ممكن تسيب أثر ..
بس اهو .. هتعدي ..
هتعيشها فتره كدا وخلاص .. وبعد كدا هاتبقى تفتكر لما كنت حاسس انك مش انت ..
ويا تتتبسط وتضحك عاللي كنت بتعمله .
يا تفضل زعلان انك حسيت بكدا ..
عموما .. ماتقلقش ومفيش حاجه بتدوم ..
أنا نفسي مش عارفه أقولك اي حاجه ..
لاني كنت في نفس الحاله من قريب .. وتقريبا لسه مخرجتش منها .. بدليل اني حاسه اني موجوعه دلوقتي ..
ربنا يوفقك ..
وبلاش توجعنا بقى ..
تحياتي لك
نور الأسلام /
ردحذفوعليكم السلام ورحمه الله وبركاته
فعلا لا مخرج من الحزن إلا للجوء لله سبحانه وتعالي
شكرا لمرورك الطيب
تحياتي
الفقيرة إلي الله أم البنات /
ردحذفأمين يارب
نعم إن الأبتلاء نعمه من الله عز وجل
شكرا لمرورك الطيب
تحياتي
نور الأسلام /
ردحذفوبقوة ايمانك وبصبرك تتغلب على كل الى وادى ارجو ان تتغلب على الصعاب وتتذكر قول الله تعالى ألا بذكر الله تطمئن القلوب
كلامك مظبوط جدا جدا
أرجو الله أن يمن عليا بقوة الأيمان ويثبتني على الحق وإياكم أجمعين
تحياتي
خديجه عبد الله /
ردحذفشكرا لدعائك لي
وإن شاء الله تكون منحه وليست محنه
اسف لأني جعلتك تحزني حين تقرأين
تحياتي
Eno/
ردحذففعلا يجب علينا الأستعانه بالله فهو القادر على إزاحه الغم و تفريج الكرب
ولشكرا لتشريفك مدونتي
تحياتي
فكرة من الزمن ده/
ردحذففعلا الحزن بيبدأ كبير وبينتهي صغير وصغير جدا كمان
شكرا لمرورك
تحياتي
ABO ALI /
ردحذفمعك حق كل مشكله بداخلها بذور الحل
ويجب البحث عن الحلول ولا نتكاسل
ولا نجعل الحزن يقلل من عزيمتنا بل نستمد قوتنا من إيماننا بالله سبحانه وتعالي
شكرا لك
تحياتي
arsenalwy/
ردحذفأهلا بك هنا في مدونتي
ومتشكر جدا لتشريفك مدونتي
فعلا وما الحياة إلا مدرسه نحن نتعلم فيها
شكرا
تحياتي
د.آيه /
ردحذفشكرا لتشريفك مدونتي
فعلا الظلم شئ صعب جدا
ويا رب ما نكون أبدا ظالمين حدا
شكرا لمرورك الطيب
وكلماتك الجميله
تحياتي
الفراشه الصغيره /
ردحذفاسف ان تكون أول زيارة ليكي هنا تقري البوست الصعب دا
بجد اسف
يسعدني التواصل
تحياتي
أنـــــا /
ردحذفانا أسف اني قلبت عليكي الألم
وعندك حق بعد فترة من الزمن هنفتكر أحساسنا دا ويأما نضحك على نفسنا يأما أكون زعلان ان دا كان أحساسي ومكنتش قوووي زي ما كنت فاكر
شكرا
تحياتي
السلام عليكم
ردحذفاولاً ربنا يفرجك كربك يارب
ثانياً:ليه النسيان من طبع الأنسان
لان النسيان نعمه كبيرة لو فضلنا فاكرين كل شىء هنتعذب كتير بحياتنا.. لكن اكيد حضرتك بتقصد نسيان المعروف او نكران الجميل؟؟؟
نفسي الدم ينزل من عيوني
ردحذفيمكن سعتها ترتاح جفوني
يمكن ابقي زي الناس وانسي كل شئ وارتاح
***********
يااااااااااااااه جامده اوي الكلمه دي
قول يارب وانت هترتاح بجد
السلام عليكم
ردحذفان شاء الله تكون دلوقتي بخير
والاحساس يكون راح لان دوام الحال من المحال
ومتشكره اوي انك لبت طلبي ومسحت الجمله
انا علقت قبل كدا باسم مستعار (أني راحله) كنت برضوه ساعتها مضايقه معلقتش باسمي
علي فكره حتي احساس الهم والحزن دا بيخفف الذنوب بس الواحد يصبر ويتوكل علي ربه
دمت بخير
غربتي
ايه ياباشمنهندس الكلام ده ؟
ردحذفهو بالنسبه للكلام جميل قوى
وبالنسبه للأحساس عالى قوى
لكن بالنسبه للمضمون مش عارف أقولك ايه
بس كل اللى أقدر أقوله
قول يارب يارب يارب
وأنت أكيد هترتاح
تقبل مرورى المتواضع
ايه دة
ردحذفكل دة الم
اللى اقدر اقوله حرام عليك نفسك
انا تعبت من مجرد القراءة
فما بالك انت حاسس وعايش الالم
مينفعش تستسلم مهما كان اللى حصل
اكيد بكرة فى حاجة كويسة وخير شايلة له ربنا
اتمنى تكون بخير والبوست الجاى يكون احلى
فرج الله همك وأزاح عنك :)
ردحذفbarbie girl /
ردحذفشكرا لتشريفك مدونتي
فعلا انا ممكن اقصد المعني دا من النسيان كمان
شكرا لمرورك الكريم
تحياتي
كيــــــــــــارا/
ردحذفشكرا لمرورك الطيب
فعلا كلمه يا رب كلمه جميله بتريح الواحد من هموم الدنيا
ghorBty//
ردحذفأولا : فعلا دوام الحال من المحال والحمد لله انا دلوقتي أحسن بكتير
لأني تذكرت جمله جميله جدا وهي
( لا تقل يارب لي هم كبير ولكن قل يا هم ليا رب كبير )
ثانيا : أتمني أن يكون حزنك قد رحل وترك وراءه ذكري تبتسمي كلما تذكرتيها
ghorBty//
ردحذفنسيت أرد السلام
وعليكم السلام ورحمة الله وبركاته
وشكرا لمرورك الطيب
الشاعر الحزين/
ردحذفشكرا لتشريفك مدونتي
فعلا كلمه يا رب تريح كل البشر
تحياتي
dramaqueen //
ردحذفشكرا لتشريفك مدونتي
واسف ان يكون اول موضوع تقريه ليا يكون بالحزن دا
واسف كمان اني خليتك تتعبي أو تشعري بالألم وانتي بتقري
انا الحمد لله كويس
ولسه بحمد الله وعونه قادر على التحدي لمتاعب تلك الحياة
شكرا لمرورك
تحياتي
زهرة الأمل/
ردحذفشكرا لمرورك الطيب وتشريف مدونتي
شكرا لدعائك لي
تحياتي
السلام عليكم..
ردحذفيقول الفيلسوف برتراند راسل "أن منتهى التفاؤل يولد من أقاصي اليأس"
...
وما ضاقت الا وفرجها الله فان مع كل محنه منحه... ازال الله همك والجميع..
في فرق بين الندم على ذنب اقترفه الإنسان والإغراق في السودوية بسبب الذنب ... فعادة الندم يولد رغبة في الاصلاح والتغيير ومحاولات لتدارك ما فات أما الاستسلام للندم لحد سلبي لا أعتقد إنه مفيد بل ممكن يدخل الانسان في مرحلة مرضية .... ولكن على الجانب الآخر يجب أن لاننسى ذنوبنا ونجعلها تصغر في اعيننا
ردحذفشكراً على الطرح المميز