الأربعاء، 18 مارس 2009

لن أرحل



منذ أيام وأسابيع دخلت هنا ...
نعم هنا دخلت عالم التدوين
قبل ذلك كنت أكتب كل أفكاري أو خواطري في ورقه وحتي لا أعلم اين سيكون مصيرها
وأحيانا أخري كنت أكتب في ورق المذاكرة الذي سيكون مصيره حتما كمصير الباقي في سله المهملات
ولكن دعاني أحد أصدقائي لعمل المدونه ترددت قليلا ولكني دخلت إليكم عالم التدوين
أحببت ذلك العالم وتلك الصحبه الطيبه ( د/عرفه - أمي الفقيرة إلي الله ام البنات - ايمان - حسام غانم - ايوشه - سلمي محمد -......... وغيرهم كثير اسف لأني لم أذكرهم كلهم
ولكن وجدت في الفترة الأخيرة انه يوجد بعض المدونين ملوا التدوين وراحوا بعيدا يستريحون أغلقوا ابوابهم وسكوا على أقلامهم وقالوا فترة ولا نعلم إن كنا سنعود
ووجدت أيضا بعض المدونين يسيطر عليهم الحزن بين الحين والحين
..............................
أزاح الله الحزن المخيم بين جنبينا
أزاح الله هما ملء كف أيدينا
أزاح الأمر قد كان
ومن نعمه أن أعطانا نعمه النسيان
فلا تنكرها اخي وأعطها حقها
ستنسي كل الحزن والأنين
وكما قيل :::
لا تقل يارب لي هم كبير ولكن قل ياهم لي رب كبير
لن أسئل لما الرحيل ولما الحزن ولما البكاء
الذي سيطر على معظم المدونين فقد قرأت أنه معظمهم راحلين
لأني قبلهم قد أعددت نفسي للرحيل ولكن ما زال التفكير
فأنا ما زلت للدراسه موالي
ومشروع تخرجي يحتاج وقتي وفراغي
وفكرت في الرحيل ولكن عجز لساني عن التفسير أو النطق بما يسير


أتمني أن يزال الهم سريعا ويأتي الفرح سريعا
لأري أصدقائي مرحين ليسوا للحزن موالين
:::::::::::::::::::::::::::::::
طبعا انا عارف إن تعليقاتي عند حضراتكم قلت وكمان الرد على التعليقات بيتأخر
بس بجد معلش انا اسف مش فاضي وانا عارف إن انتوا هتعذروني
انا مش هسيبكم وارحل زي الباقي ولكن تعليقاتي هتكون قليله شويتين
:::::::::::::::::::::::::::
المهم أو على الأقل إن انا هاطمن عليكم وتعرفوا تتطمونوا عليا

سلامي وتحياتي

هناك 31 تعليقًا:

  1. الحمد لله والله قرار صائب

    وان شاء الله كلهم يرجعوا لنا بالسلامه

    فهذا عالمنا الخاص وصديقنا فيه القلم الذي ربما لا نذكره اٍلا وقت الحزن والضيق ليفرغ ما بداخلنا علي صفحاتنا فلا تستعجب من كثرة الحزن الذي تجد فاٍن لم نكتب هنا فاٍين نجد لغضبنا مأوي بعد اللجوء الي الله عز وجل

    اسال الله لي ولكم التوفيق والسداد

    ولكل غيوم شروق

    دمت بخير

    ردحذف
  2. جميل يا باشمنهندس

    وإن شاء الله كله يكمل واللي بطل فترة يرجع تاني


    هي الفكرة متهيألي

    إن الواحد في الأول بيكتب اللي عايزه لنفسه في ورقه

    وبعدين يعمل مدونة

    يبدأ يكتب فيها لنفسه برضه

    وبعدين بتيجي فترة عالواحد بيحس إنه بدأ يكتب للناس اللي بتقرا
    على حسب ميولهم واختيارهم

    فبيحس إنه معدش عارف يكتب لنفسه زي زمان


    وأعتقد كانت أيوشة قالت كده في آخر بوست متهيألي

    إن المدونة مش مخلياها عارفة تكتب زي زمان


    بس إن شاء الله لحظات وبتعدي


    تحياتي ليك ..

    ردحذف
  3. سلام عليكم
    حلو أوى يا هندسه
    وربنا يبارك فى صحبك اللى شجعك ده
    ههههههههههههههه
    انا كنت مريح بس
    شويه علشان اعرف اذاكر
    وعلشان كنت حاسس ان دماغى فيها شويه وش محتاجه شويه راحه بس
    بس انا عمرى مقدر اغيب عنكم
    واياك تبعد عننا
    وزى ما انت وعتنى انك تستمر فى التدوين ولو مره فى الأسبوع
    تحياتى ليك على

    ردحذف
  4. الحكام يحكمــــــون الدول بفكـــر وثقافة شعوبهم
    فلا تظلموهم ان ظلمواوتستنكرون قساوة قلـــوبهم
    فهم منا ونحن مــنهم ويقتدوا بنا ونقتدى بهـــم
    فالشعوب كالافدنة والقراريط والحاكم مجـــرد سهم
    فهل السهم يؤثر فى الافدنة وياكلها مهما كان نهم
    والعيب ان وجد فى الاكترية الردية التى تفسد وتتهم
    فتفعل الافاعيل وتلقى بلاويــها على المعتــــصم
    فان فسدت فسد معتصمها والكل بالفساد يتوصــــم
    ============================================
    التطرف اخرجنا من المســـاربعد ان لـــف ودار
    ورجعنا لورا تحت القنطرة بره الدنيــــاوالدار
    فاخر المسيرة بأسا سيرة وجلب لنا الاهانة والعار
    وعاد يعايرنا بعمل يديه التخلف والجهل والعوار
    وهم طموحه وراس ماله واملــــه ورجاله الابرار
    وتخصصه ومتعته فى الهدم ومنع البناء وشل القرار
    وتبنى كل ما يضـــــــر ولا يسر من اذى واضرار

    ردحذف
  5. ربنا معاك والتوفيق ان شاء الله

    ويبعد الحزن عن كل انسان

    ويفك كرب كل حزين

    ردحذف
  6. بوست رائع زي ما عودتنا مش مشكله انك تعلق كتير المهم ماتبعدش زي البعدو عن التدوين بعد ما اتعودنا عليهم وعلى شوفة تعليقاتهم عندنا
    كلامك غاية في الرقة والروعة
    وربنا يوفقك ويشغلك بطاعته قبل مشاغل الدنيا يارب
    تقبل خالص تحياتي وتقديري

    ردحذف
  7. السلام عليكم يابشمهندس
    والله موضوع ترك التدوين بيجى نتيجة للحزن والاكتئاب اللى بيجى للواحد من فترة للتانية بس اكيدبنرجع تانى مش بنقدر نسيب الناس اللى اتعلقنا بيهم وبكلامهم ونمشى كده بسهولة
    وعلى راى حسام فعلا انا ساعات بحس انى مش بكتب لنفسى ساعات بحس انى عايز اكتب للناس المواضيع اللى تكون على مزاجهم

    ربنا يوفقك فى دراستك وفى مشروع التخرج

    ردحذف
  8. الحمد لله قرار صائب إن شاء الله
    فالتدوين استفادة للطرفين الكاتب والقارىء وفى ظل صحبة حضرتك الراقية التى ذكرت فالتدوين متعة ونفع بالتأكيد

    وفقك الله لما يحب ويرضى وتقبل دعائك الطيب وأدام تواصلك معنا إن شاء الله
    جزاك الله خيرا فالعنوان وحده يكفى لشحذ الهمم للعودة يارب يعقلوا بقه ويرجعوا :) كلهم

    ردحذف
  9. انا بجد شاكره ليك جدا,
    انت صحيح مش علقت على بوست الاعتزال عندي بس كتبت تدويه بمائة تعليق,
    ربنا يكرمك يارب,
    وفعلا شكرا جزيلا لصديقك لانه اتاح لينا فرصة التعرف على كتاباتك,
    انا كان ليا اسباب في اعتزالي الخمس ايام اللي فاتوا وكتبت السبب في ردي على التعليقات عندي,
    بس حقيقي ما اظنش اني اقدر اعتزل نهائيا بالسهولة دي,
    شكرا ليك كتير,وربنا يوفقك دنيا وآخرة.

    ردحذف
  10. طبيعى بتيجى أوقات ع الكل بيفقد حماسه .. و مش بيبقى عايز يعمل اى حاجه

    بس فتره و بتعدى يعنى

    عامة .. دى أول زيارة ليا لمدونة حضرتك

    و مش الأخيرة إن شاء الله

    ردحذف
  11. ghorbty /

    معك حق فالقلم عالمنا الخاص وحقا أيضا اننا نلجأ إليه في وقت الحزن أكتر من الفرح

    وإن شاء الله يعود المدونين لما كانوا عليه من الحب والتفاؤل والموده والكتابه


    .............................

    ردحذف
  12. حسام غانم /

    معك حق أيضا فنحن هنا أو معظمنا أخد يكتب على حسب ميول ورغبات القراء

    فكثيرا ما تحس أنه لم يعد لقلمك صدي مثلما كان زمان

    ولكن سنظل نكتب لأنفسنا ولغيرنا

    تحياتي
    .......................

    ردحذف
  13. د/عرفه /

    وعليكم السلام ورحمه الله وبركاته

    هو انت عارف صاحبي اللي شجعني ولا ايه ؟!!!!!!

    هو انا قلتلك عليه ؟ ههههههههههه

    ربنا معاك ويوفقك ان شاء الله


    والف سلامه

    تحياتي

    ردحذف
  14. الفراشه الصغيره /

    شكرا ليكي
    ويارب يبعد الحزن عن كل انسان

    ويفرج كرب كل انسان


    تحياتي

    ردحذف
  15. fnoonh /

    شكرا لمرورك الجميل
    ودعائك لي

    امين يارب ويوفقك لما فيه الطاعه والخير


    تحياتي

    ردحذف
  16. ايوشه /

    شكرا لمرورك الجميل الطيب


    وفعلا الحزن دا فترة وبتعدي بأذن الله


    تحياتي

    ردحذف
  17. خديجه عبد الله /

    فعلا التدوين استفاده للطرفين لنا وللقارئ

    ويارب يرجعوا واللي بطل يرجع تاني



    تحياتي

    ردحذف
  18. salma mohamed /

    على فكره انا قريت التدوينه بتاعتك

    وكنت زعلان جدا

    فأنا كتبت البوست دا بعد ما قريت البوست بتاعك

    يعني ممكن تعتبري دا الرد

    وان شاء يكون السبب راح وانزاح وترك مكانه الفرح والسعاده الدائمه

    تحياتي

    ردحذف
  19. salma mohamed /

    على فكره سلمي
    كتاب استمتع بحياتك للعريفي ممكن تكون من احسن الكتب اللي قريتها من زمان

    واتمني انك تقريه مره واتنين وتلاته


    تحياتي

    ردحذف
  20. قبلاوي /

    شرفتني زيارتك ليا يا صديقي العزيز


    ويسعدني التواصل


    تحياتي

    ردحذف
  21. السلام عليكم ورحمة الله وبركاته

    الحمد لله ان حضرتك مسيبتش التدوين وإلا كنت هزعل جدا يعني متكونش أول زيارة وآجي الاقي حضرتك تقول هسيب التدوين بجد الحمد لله

    كتابتك جميلة أوي ومنمقة ربنا يزيد موهبتك يارب ويوفقك في مذاكرتك ويسهل عليك يارب.

    اللهم آمين..

    بشكرك على زيارتك لمدونتي..

    دمت كما تحب..
    تحيتي..

    ردحذف
  22. السلام عليكم

    ربنا يبعد الحزن عن الجميع ...ليس المهم فى التعليقات المهم ان احنا نفيد ونستفيد..

    ربنا يوفقك ويعزك ..وبجد احنا بنستفيد من اللى حضرتك بتكتبه..وجزاكم الله خيرا..

    ردحذف
  23. بسم الله الرحمن الرحيم
    بالتأكيد أن تكتب هنا .. و تشعر أن هناك من يقرأونك ..
    خاصة و ان كان كلاما يستحق القراءة كما بهذه المدونة لابد و أن تستمر ..
    لا أكذبك القول .. إنى أيضا كنت ممن يكتبون .. و بعض هذه الكتابات كنت أستمتع بها لكن يكون مصيرها سلة المهملات ..
    استمر وفقك الله..

    ردحذف
  24. جـــــــربت مــــــــره تــعمل حاجه للاقـصي

    لو ما جربتش جرب تشـــــــارك معــــــــــنا

    يمكن نقدم حاجه تكــــــــون مفـــــيده تنفعــنا

    ويمكــــن بيها في الجنه ربنا يجــــمـعنـــــــا

    خليــــــــــــــــــك جـــرئ وشــاركنـــــــــــا

    بامكناك ان تشارك في نهضه امــــــــــــــتنا

    لا تقل لا استطيع المشاركه في بناء عزتـــنا

    ان عــــــزتنا تكمن في تــحرير غفلــــــــتنا

    ندعوك ان تشترك معنا للنهوض بدولتــــنا

    لا تتردد فانها فرصتك في مساعده اخواتنا

    حمله :بايدينا ندفع الخطر عن الاقصي
    رابطه مدونون من اجل فلسطين

    ردحذف
  25. ازيك ياهندسة

    فعلا المشروع بياخدوقت كتير من الواحد بس ده ميمنعش انك كل فترة تديها بوست على الماشى

    ربنا معاك

    ردحذف
  26. اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة
    اهلا بابن بلدى اهلا بالشراقوة

    ردحذف
  27. shosho /

    الحمد لله ان اول زياره ليكي لقيتيني لسه موجود

    انا بجد فرحان لزيارتك ليا

    دمت بكل خير

    ردحذف
  28. نور الأسلام /

    شكرا لمرورك الجميل وتعليقك الطيب

    وشكرا لدعائك لي

    تحياتي

    ردحذف
  29. د.آيه /

    شكرا ليكي ولتعليقك المميز


    وان شاء الله استمر واكون عند ظنكم بيا


    تحيايتي

    ردحذف
  30. arsenalwy /

    ازيك يا باشا

    فعلا المشروع بياخد وقت
    والحمد لله ان احنا وصلنا للمشروع بسرعه

    طبعا انت فاهم قصدي


    تحيايتي يا صديقي

    ردحذف
  31. Beram ElMasry /
    اتشرف طبعا بزيارة مدونت حضرتك الجميله


    دمت بكل خير وموده استاذي

    ردحذف